Latest News
National
Miatianio Ni Mitikilye Kikatiba
Koti munene niwaweta kukunwa muungu kwa miatianio katikati wa musyi wa Ilovi ni utee na miao. Aineena kavindani ka kumya utw'io uu musili wa makoani, Bahati Mwamuye niwaweta kila muukenya ena uthasyo wa kutwaiisya miatianio kiikatiba. #RadioYaMukamba
Published on: 2025-04-30 08:49:50
Uteti
Ikoani ya Kikwu kya Sharon Otieno
Ula wai governor kaundini ya Migori, Okoth Obado niwamina kwitetea kotini, iulu wa ikoani yila imukonetye iulu wa kikw'u kya mundumuka ula wai mumanyiw'a kwa isyitwa Sharon Otieno ula wasomeaa kimanyisyoni kya Rongo ivinda ya kikwu kyake mwaka wa 2018. Sharon ai nduu na governor Obado ivinda yiu, kindu kila Obado ukwasya ai anaungamya nduu yoo na ti kwoondu wa kwitha ai muito ivu yake. Obado asya ona kwitha maungamitye nduu yoo, niwaendeeye kumunenga ilovia sya kutumia. Oingi niwatavya koti kana aina muvango kumwakia nyumba Sharon na kumamanthia va kwikala nundu aina ivu yake. Itina wa kumina kwitetea, yu vatialite atetheesya make Casper Obiero na Michael Oyamo kwitetea matuku 19- 23 mwai wa katano, itina wa kutavya koti matiyumbanitye kwitetea umunthi. Mwii wake Sharon Otieno weethiiwe kithekani emuae 2018 na kwithiwa na mawonanio ma kutonywa na kavyu na vala aa 3 makwatikanie na mavityo. Ikoani yii ikaendeea matuku 19-23 mwai wa katano 2025 vala Casper Obiero na Michael Oyamo maketha mayitetea.
Published on: 2025-04-24 10:57:22
Uteti
MCA wa Kariobangi ya yiulu, Joel Munuve niwaasya thayu
MCA wa ward ya Kariobangi ya yiulu, Joel Munuve niwaasya thayu aendee kukwata uiiti sivitalini umwe wa kimbene leluni wa Kiambu.
Published on: 2025-04-22 06:09:25
Kaundi
Usakuani wa UDA Mombasa
Uungamii wa kyama kya UDA kaondini ya Mombasa niwaumbula kana unyuvani wa kyama kiu wa nduani na ula inatwaiiwe muthenyani wa wathanthatu kyumwa kivituku unatwaiiwe kwa uwo na uumilu. Aineena na aandiki ma mauvoo, muandiki munene wa kyama kya UDA Mombasa, Mutungwa Wambua niwaumbula kana ona itina wa unyuvani usu kukumbilwa ni mathina manini nunaendeeie undu unavangitwe. Mutungwa niwakatha mivia kivathukanyo ya muuo kisuani kwa itambya ya useseei mwianiu wa muuo kavindani ka unyuvani usu.
Published on: 2025-04-16 03:58:05
National
Gavana wa Kiambu, Kimani Wamatangi kwikiwa mbini
Gavana wa kaunti ya Kiambu Kimani Wamatangi niwendeeye kukulwa auokulyo ni maovisaa muviani wa kulunga mituo na kuukitana na ulusani vaa vaa nthi ya kenya EACC itina wa kwikiwa mbini kwi umunthi vamwe na maovisaa angi kenda silikalini yake. Uu wiuka masaa mavuthu itina wa maovisaa ma muvea uu kwitha mevikite maovisini na musyi wa ngavana Wamatangi kutwaiisya ukunikili kukonia kila kiuwetwa ta withiitwe na utumii muthuku wa ilovia sya mwenenthi.
Published on: 2025-04-15 06:45:14
Uteti
Rigathi Gachagua: Thayu Wakwa Wi Muisyoni
Itina wa kumbula kana thayu wake wi muisyoni, ula wai munini wa president, Rigathi Gachagua yu niwamwenda inspekta munene wa volisi, Douglas Kanja kwikiithya kana mbuliili ila syithiitwe ivithukia mbumbano syake nisyekiwa mbini, muvia wa Volisi kwikiithasya useseei mbumbanoni ila ukethiawa aivika kwa kwithiwa anathukumie ta munini wa President vaa nthi ya Kenya, kutungwa kwa maovisaa make ma useseei oundumwe na kuseseeewa kwa mali yake kila ivinda musyi kwake wamunyoro kaundini ya Nyeri na musyini wa Ilovi.
Published on: 2025-04-15 06:34:20
Uteti
Kusyokethya Kwa Nakhumicha Wiani
Ula wai minista wa muvea wa uiiti Muwandu Susan Wafula Nakhumicha na unoolotilwe kwitha nzamani ya nthi yoonthe kukonia mawithyululuko UN HABITAT Mauvisini ma musyi wa Ilovi, niwavika mbee wa nzama ya mbunge kukonia maundu ma nza vala ukukulwa mokulyo mbee wa kwosa mwanya usu. Niwakulwa maukulyo iulu wa kilingisi kya ilovia na tender ila wai minista wa uiiti, vala mumbunge wa Belgut, Nelson Koech wamukulya kana niwisi iulu wa kukonanwa kwa Rigathi Gachagua nthini wa tender sya billion 3.7 sya kuthoowa kwa net sya umuu. Ivinda ya kunguthulwa kwake uvisini mwaka muthelu, Gachagua niwakonaniw'e na kilingisi kiu na vala wakoniwe mavityoni angi mevo kutumia nzia itembitikilye kumantha tenda. Kwianana na Nakhumicha niweesi iulu wa kilingisi kii ivinda ya kunguthulwa kwake Gachagua uvisini.
Published on: 2025-04-07 08:52:34
Uteti
Wamuchomba: Thayu Wakwa Wi Muisyoni
Mumbunge wa Githunguri Gathoni Wamuchomba easya yu thayu wake wi muisyoni, itina wa kwendeka eyumilye mbee wa maovisaa ma useseei kunengane livoti. Aineenea nza wa maovisi ma isalu DCI, Wamuchomba niwasya nuvenetwe musungi wake ma kuikiithya thayu wake wi muisyoni na kuelesya itina wa uneenania na maovisaa ma DCI methiie ula unamwendaa kwiyumilya mauvisini aa ti ovisaa kuma kiseseni kii. Mumbunge usu anendekaa avike movisini ma DCI nikana kusungia nzeke sya kwothothea enenthi mamuiisye ukemi president avika kiliombungeni kyake wakatano. Mumbunge uu ula ni munyanyae wa ula wai munini wa president Rigathi Gachagua, ewetwa ta unothotheete kuthokwa nai kwa president nthini wa imwe sya isio sya Mt Kenya na kutongoesya campaign ya 'Ruto Must Go'. Ona iu wivo Wamuchomba niuminite kuleana na nzeke isu ukukonanwa nasyo aiweta nouteti.
Published on: 2025-04-07 08:50:56
Kaundi
Enenthi kaundini ya Makueni kwenda mawoni moo yiulu wa milati methukiiw'e
Kavinda kaa silikali ya kaundi ya Makueni yendee na kwosa mawoni kwi enenthi, enenthi kaundini ii nimenda silikali kwisila kwi Ngavana wa kaundi ii ya Makueni Mutula Kilonzo Jnr kuikithya kana milati ya maendeeo ila manenanisya niyekwa vate kuvinduwa. Enenthi wardini ya Makindu nimaweta kana mingi ya milati ila manenganae nthini wa syikalo sya kwosa mawoni nivinduawa na muno nthini wa unenanya mbungeni ya kaundi ya Makueni vala makulya mbunge kuikithya kana milati ii ndinavinduwa.
Published on: 2025-04-03 09:08:57
National
NCCK kutwaiisya mauvundisyo kaundini ya Kitui
Ngwatanio ya makanisa vaa nthi ya kenya ya National Council of Churches of Kenya (NCCK)kaundini ya Kitui niyatwaisya mauvundisyo kwi eeitu ala aito na ala matethekie na syana mena ukuu wa itheo wa miaka 18 kukonia undu mailite kwisuvia vamwe na kusuvia syana syoo. Iseso ya mauvundisyo aa yatwaiwa kisioni kya Mbakoni ila yi kivaloni kinini kya Monguni,Kitui kya itheo na yatingoewa ni ovisaa kuma ngwatanioni ii ya NCCK nthini wa maundu makonetye mivae Muwandu Irene Nguka.
Published on: 2025-04-03 09:04:55
Kisomo
UASU kwenda muvea wa kisomo kumantha usungio wa kutua yiulu wa muaaniko wa utongoi
Ngwatanio ya athukumi ma imanyisyo sya yiulu sya silikali ya UASU niyenda silikali kwisila muvea wa kisomo ilikiliile kati na yiimantha usungio wa kutua yiulu wa muaaniko wa utongoi ula withiitwe vo kati wa munini wa munene wa kimanyisyo kya yiulu kya Nairobi na nzama ya kimanyisyo kii. Ngwatanio ii niyaweta muaaniko uu niwonzetye uthukumi kimanyisyoni kiu vala menda nzama ya kimanyisyo kii ivunzwe ona itina wa minista muveani wa kisomo Julius Migos kwithiwa kwi iyoo anandikiiye nzama ya kimanyisyo kii valua wa kumisiia ikatwaiisye kikalo ona kimwe mbee wa ukinikili yiulu wa utumii muthuku wa ilovia sya kimanyisyo kii kuthela.
Published on: 2025-04-03 09:00:30
Uteti
Iseso ya kumathungulula makamishena ma IEBC
Iseso ya kumathungulula ala manatumite ukulyo kususya myanya ya makamishena 6 ma nzama ya unyuvani na mivaka vaa nthi ya IEBC niyiendee na vala andu 105 meikwatiwa kuthungululwa . Nzama ila itwaisye iseso yii niyongelilwe ivinda ya kunathungulula nginya mithenya 14. Kwa oyu Eliud Wanjao Nginge niwakulwa mookulyo mbee wa nzama ila yendeeye aithingiliila ngwatanio na kuthukuma kwa vamwe nikutonya kweete usungio nthini wa nzama ya unyuvani na mivaka IEBC.
Published on: 2025-04-03 08:41:26
Uteti
Ndambuka ya Ruto Mt. Kenya
President William Ruto Niwendeeye na ndambuka yake isioni sya ilembeta ya Mt kenya kuvingua milati ya maendeeyo VALA umunthi uvikite kaundini ya Nyandaru Aineenea kisioni kya Nyandarua niwaweta silikali noyendeeye na muvango wa waki wa nyumba sya thoowa munini,malelu oundumwe na maundu ma kisomo. Okavindani kau niwathana kunyaaikya mwaki wa stima isioni isu.
Published on: 2025-04-03 08:35:32